دورات تجسّد موسم 2024-2025

ايام اربعاء (كل المستويات)
ارتجال باللمس / ارتجال

19:30-21:00
ستوديو هناء زريق Hana's Dance House, شارع يافا 119 

ايام اثنين لمستوى متقدم/متوسط
مواضيع مركزية: بناء عرض / ارتجال / فن الأداء (برفرومانس) /ارتجال باللمس

19:30-21:00
عنوان: سيركين 21 (تالبيوت, ستوديو نعيم فرع جديد)

​

محتوى الدورة

​

الارتجال الراقص, ارتجال باللمس, حركة, رقص حر (بالاساس راح نركز علارتجال الراقص)

محتوى الدورة راح يتأقلم مع مستوى المجموعة ولاي مواضيع بتميل المجموعة. ايش بخليها تحس امان تعبر براحة. كمعلم انا بصغي للمجموعة ومش بجبرها علموضوع. الاحساس بالامان بالرقص بمجموعات عربية موضوع حساس ومهم نطورو. راح نبحث ونتعلم كيف نقول نعم/لا بالرقص بشكل حساس.

راح نشارك بالحكي بمجموعة او ازواج نستوعب شو مرقنا اذا حسينا حاجة.

في اهمية كبيرة نكون بمجموعة مسكرة ملتزمة ونتعرف على بعض ونحس مريح قبال بعض من لقاء للقاء اكثر واكثر. بنتقدم اكثر اذا بنبني من حصة على حصة على مواد من قبل بدون ما نضل نرجع على اشياء اساسية.

راح نتعلم كيف نطور رقصنا ونرتجل كسولو, دويت, تريو, او مجموعة.

راح نكتفش مين انا؟ مين انا الراقص, مين جسدي الراقص. ايش لغة حركتي الطبيعية الموجودة بجسمي. لكل شخص في انجذاب لطريقة حركة او جودة حركة معينة. لكل جسد قصة وتاريخ. بدنا نتماشى مع الجسّد ولغتو الموجودة, ونوسع من هاي اللغة ونتحداها بطريقة صحية.

كل راقص ومعلم بالمجال عندو اسلوب معين كيف هو برتجل. من اي محل بتيجي الحركة - من اي محل بخلق الحركة. صعب تشرح المساحة بدون ما تكتشف مين المعلم بالارتجال وتجرب. المعلمين مختلفين: هل الرقص بركز علتعبير, علمشاعر, علعلاقات, على المحل الجسدي فقط؟ تركيزي انا سائد بالارتجال هو على التواصل مع ما يسمى Authentic Movement - حركة بتيجي من محل بتحسو انسيابي وبتماشى مع دواخلي ومش ضد دواخلي. بركز على استيعاب الخبرة والمشاعر, مشاركة, وبناء مساحة بتحس خفيفة دم بمواضيع مرات حساسة وتركيز دائم علامان بمساحة بتدعو للحرية.

​

انا بامن انو وظيفتي وقوتي كمعلم هو ابنيلكم مساحة تتواصلو فيها مع ذواتكم. مش اعلمكم حركة. اعطيكم مساحة امنة قد ما بقدر تكتشفو شو موجود جوا وتحطو علامات سؤال قبال الموجود, تقررو بشكل مستقل اذا تكسرو قوالب او تتمسكو بحدود صحية مع انفسكم وايش ببين لبرا وكيف برقص مع اشخاص اخرين. تطوير الرقص بيجي من التزام وتمرين, ومن مساحة نحس انو مسموح اكون حالي.

راح نستضيف معلمات/ين مختلفين الهن اساليب مختلفة بالحركة

مواضيع الارتجال (بنختار من هاي المواضيع):

​

• حدود: كيف اقول نعم/لا

• كيف بتحرك بالمساحة, علاقتي بالمساحة

• كيف ارقص حسب مواضيع معينة

• العلاقة مع الموسيقى

• شو مصدر الحركة؟ شو معنى الحركة؟

• اكسر قوالب برقصتي وحركتي وبالعلاقة الراقصة مع الاخر

• مين انا كمشاهد؟ شو بهمني كمشاهد؟

• نتعلم انماط حركة مختلفة, جودات مختلفة بالجسد (بالتحماي خاصة)

• حركة انسياباية authentic movement, flow

• حركة من اجل الحركة, وحركة من اجل التعبير او الاداء

• تماثيل واشكال

• الارتجال باللمس

• abstract vs. concrete movement

• علامات الترقيم بالحركة: وينتا ببني جملة جديدة, فقرة جديدة, فصل جديد, وينتا استراحة قصيرة او طويلة.

• كيف بختار شو اعمل اسا؟ شو النظام عندي باتخاذ القرارت

• طرق مختلفة للاصغاء لنفسي وللاخر وللمساحة وللقصص المختلفة بالمساحة

• البحث من اجل البحث (بدون هدف)

• نشتغل مع مراجع: صور, فيديو, او غرض معين

• الصوت بالحركة

​

​

الدفع

​

حصة تجربة 90 شيكل

12 لقاء:  1368 شيكل

طرق الدفع: ممكن تجربة 3 مرات فقط وبعديها دفع كامل او تقسيط عن طريقة بطاقة ائتمان او شكات. الدفع بشكل نقدي فقط بحالات خاصة ومع سبب. واضح.

​

سياسية الغاء الاشتراك
اذا دفعتم بالكامل سياسة الغاء الاشتراك مخصهاش بدفع لحصص تجربة.
من بعد دفع لدورة كاملة سياسة الغاء الاشتراك كلتالي:
تبطيل بعد اشتراك بحصة او حصتين بالدورة بالضبط

ممكن ارجاع 80٪ من المبلغ الكامل للدفع
تبطيل بعد اشتراك بثلث حصص بالضبط

ممكن ارجاع 60٪ من المبلغ الكامل للدفع
تبطيل من بعد اشتراك ب4 حصص او اكثر:
فش امكانية لترجيع الدفع بتاتا بعد دفع كامل

حالات غياب لاسباب مختلفة مؤقتة
اذا راحن عليكن/م حصص لغياب فش امكانية لترجيعهن بالمستقبل

حالات عدم امكانية تكملية الاشتراك لحالات حرجة
اذا من حالة حرجة او صحية مفاجئة وغير متوقعة من قبل تبطل ممكن عندكم تكملو بالدورة (يجب توضيح السبب واذا كان في طلب من تجسّد تبين برهان رسمي) - المصاري البقيت (حسب عدد الحصص المرق من بداية الاشتراك مش حسب عدد الحصص الاشتركت فيها) ممكن تستغل بمناسبة ثانية بتجسّد او دورة ثانية - بس فش امكانية لارجاع المبلغ. اذا السبب لعدم التكمالية مكنش مقنع كفاي بحكم من تجسّد فش امكانية لارجاع المبلغ.

​

​الدورة ممكن تتبطل من اوضاع حرجة جدا البتمتد فترة (حرب, الخ):

اذا صار وضح حرج مثل حرب بتاثر على التواجد بحيفا, اول شي بناجل الدورة باكم اسبوع او شهر شهرين واذا صار وضع حرج البطول لمدة اكثر من ٣ اشهر بنبطل الدورة كليا. برجع المبلغ كاملا ناقص شيكل على كل حصة اشتركت/ي فيها.

​

​​

الدورة بتصير بشرط 8 اشخاص بسجلن/و وبدفعن/و المبلغ الكامل.